val di fassa, vigo di fassa, val di fassa trentino, trentino

• Val di Fassa

Fascia - Vich

Vich l'è na gran bela posizion, l'è logà su n gran teren a soladif, e da chiò se pel veder duta la val. Per sia posizion zentrèla e per la strèda de coleament col nord, Vich l'è stat, ti tempes passè, l zenter aministratif e religious de la val, olache l'è  troà  lèrga la Pieif de Fascia e la Massarìa de Cort tel temp di Longobarc. Te paìsc, enceben che del 1921 sie crepà  fora n gran fech, l'è restà  amò sacotenc segnes de la cultura da bacan e da artejan da zacan. Sul col, japede l bosch, l'è la Gejia de Sènt'Ugèna che vèrda via Vich. Na pìcola frazion sora Vich l'è  amò aldidanché duta sia beleza de na outa. L'è Tamion, n pìcol paìsc da olache se pel veder n panoram maraveous, olache se pel endò se tor l temp, chel temp de la natura che l va dò la tradizions del lurier da mont.

Vich l'è ence la senta del Museo Ladin de Fascia e de l'Istitut Cultural Ladin, olache vegn tegnù sù, stravardà  e valorisà  dut chel che revèrda l lengaz e la cultura ladina.

Co na forenadoa moderna, pontan demez dal paìsc, te pec de menuc se pel ruèr sun Ciampedìe, a 2.000 metres, e se goder n panoram beliscim e na evajion naturèla ge vardan a la Dolomites. D'istà  se pel pontèr demez da Ciampedìe per se fèr de bela raides e per rampeèr su la crepes del Ciadenac, l ream de Re Laurin; d'invern Ciampedìe l'è l zenter de la Ski Area Catinaccio olache, desche i gregn campions taliegn, se pel se molèr jò per i portoes semper enjign coche carenea. Ciampedìe l'è ence l lech ideèl per i bec che i pel se desveneèr, con gran segureza, al "Baby Park", n parch dai jeghes te la natura endrezà  n muie delvers che l perferesc jeghes, color e devertiment.